بسبوسة بالكريما سهلة ومختلفة

  بسبوسة بالكريما تقديم إلهام من ورزازات

3 بيضات
نصف كاس سنيدة
ساشي فاني
كاس زيت
نصف كاس حليب
نصف كاس كوك
خمارة ونصف حلوة
200غ سميدة رقيقة
الطريقة
نخلطو كل من سنيدة والفاني والزيت والحليب نخدمو كلشي غير بالطراب اليدوي عاد نضيف نواشف اي الكوك والسميدة رقيق وخمارة ونصف حلوة.
نقسم خليط بسبوسة على جوج قياس واحد.
ندهن مول بالزبدة مرشوش بالسميدة الرقيقة نفرغ كمية الاولة من عجين ندخلو تطيب في الفرن .
نخرجها ونعمل طبقة من كريما
الكريما.
في كسرونة نعملو نصف ايطرو حليب مع سنيدة حسب الذوق و4معالق نشا نخلطو مزيان عاد نشعلو عليه العافية ونحركو حتى تخثر الكريما نطفيو عليها وخارج العافية نضيفو جوج فرماجات متلتين واحد ياغورت فاني صغير او كبير نحركو مزيان لكريما.
نصبوها على الطبقة البسبوسة لي طيبنا وندخلوها للفرن باش لكريما تجمع وتشمع تم نخرجوها ونصبو الطبقة التانية من البسبوسة ونرجعوها للفرن تطيب وتحمر.
مالي نخرجوها من الفرن نسقيوها بسيرو بارد موجدينو من قبل .
سيرو فيه الماء وسنيدة والحامض فوق العافية ممكن تنسمو بساشي فاني بنكهة الزهر