بيفتيك اللحم بصلصة الفطر

 مرحبا جاراتي الحبيبات وصفة بيفتيك اللحم
بصلصة الفطر رائعة من مطبخ ليلى كاميل
وصفة راقية بالاضافة الى انه غنية جدا ولذيذة
ومشروحة من طبيعة الحال بالصور وطريقة سلسة
نتوكوا على الله ونبداو بسم الله 

المقادير :

بيفتيك اللحم
قشدة طرية سائلة
فطر معلب
صلصة الصوجا
ابزار
ملح زعتر يابس
زيت الزيتون
ملعقة زبدة صغيرة

طريقة تحضير نيفتيك اللحم بصلصة الفطر :

ناخدو البيفتيك ونغسلو مزيان ونسقطرو ونديرو
فاناء

ونزيدو عليه صلصة الصوجا والملح والابزار

ونخليوه يترقد شوية تقريبا 10 دقائق
ونديرو مقلة تسخن على نار مهيلة فيها
زيت الزيتون ونديرو  البيفتيك يطيب

ونبقاو نقلبو فيه حتى يطيب مزيان
ويتحمر ونخليوه على حنب نجيبو
مقلة اخرى نديرو فيها الزبدة دوب

ونزيدو عليه الفطر

ونخليوه يتشحر مع الملح والابزار
ونخليوه تقريبا 3 دقائق وعاد نزيدو
عليه القشدة الطرية

والصوجا وشوية الملح

ونحركوها ونديرو البيفتيك فطبق التقديم

وصلصة الفطر نقدموها فالطبق المرافق
مع خضر مسلوقة ومتبلة وسلطة بالارز

ونقدمو بيفتيك اللحم بصلصة الفطر
بالصحة والراحة في امان الله