عيد مبارك سعيد جاراتي العزيزات الله يدخلو علينا بالخير والبركة ، اليوم أحببت أن اشارككن فهرسا وتجميعية لعدد من حلويات العيد 2016 ، نعم أفضل الحلويات المختارة لهذه السنة وهذا الموضوع سيكون مقتصرا على حلويات غريبة المغربية اللذيذة
قبل المرور للحلويات أحب أن ابارك لكن جاراتي عيد الفطر من جديد ونتمنى من الله أن نكون اغتنمنا شهر رمضان المبارك الذي شارف على الانتهاء . وكالعادة فبعد شهر رمضان تأتي فرحة المؤمن بالعيد الذي شرعه الله له ، عيد الفطر الذي يرتبط بالحلويات واجتماع العائلة والأقرباء ، وفرحة الصغار والكبار ، والأهم من هذا صلاة العيد التي تجمعنا نحن المسلمين حول العالم
حلويات غريبة : حلويات العيد 2016
سأقدم لك جارتي عددا من وصفات تحضير حلوة غريبة المتنوعة والتي سبق ونشرناها في موقع جاراتي من قبل، الوصفات كلها بسيطة وطريقة التحضير مشروحة بالصور والمراحل . لامزيد من الاطالة على بركة الله
ملحوظة لزيارة الوصفات مشروحة بالصور للمراحل المرجو الضغط على صورة الوصفة
غريبة البهلة بالكاكاو
الوصفة الأولى من حلويات العيد 2016 ووصفات غريبة لعيد الفطر هي غريبة البهلة بالكاكو
المقادير :
رابعة زبدة – 1 ڤاني
300 غرام سكر سنيدة – 100 غرام جنجلان محمر
2 كيسان زيت – 3 خمارات – ملعقة صغيرة قرفة
100 غرام لوز محمر و مطحون بقشوره
قبصة الملح – ملعقة كبيرة كاكاو – وسكر سنيدة للتزيين
الدقيق حسب الخليط
طريقة التحضير :
نخدمو الزبدة، السكر، الڤاني،
و نزيدو الزيت و نخلطو مزيان، و نضيفو اللوز، الكاكاو، الجنجلان و القرفة ،
و نضيفو الخمارات و الدقيق حسب الخليط حتا تجمع لينا العجينة
وتولي متجانسة بلا مانعجنوها و نخليوها ترتاح ساعة فالثلاجة،
نديرو منها كويرات صغار نفندوهم فالسكر و نديروهم فلاطة مدهونة بالزيت
و ندخلوهم للفران من التحت باش يتشقو لينا
عاد نديرو غريبة البهلة ديالنا الفوق يطيبو لمدة 10 حتال 15 دقيقة
غريبة بالسميدة و الكوك
غريبة هادي من الوصفات المفضلة عندي شخصيا في حلويات العيد 2016 ، غريبة ديال الكوك والسميدة
المقادير :
250 غرام سميدة متوسطة
100 غرام سنيدة – 100غرام كوك
كاس صغير زيت – 2 بيضات – خميرة الحلوة
قشرة حامضة محكوكه -الفاني – سكر صقيل
و الكاكاو للتزيين
طريقة التحضير :
في اناء كنديرو المقادير الجافة ديالنا كاملين
نخلطوهم مزيان مع بعض
وعاد نضيف الزيت وبيضة وحدة ونخلطوهم
ويلا لقيناها باقي ناشفة نزيدو فقط اصفر البيضة الثانية
ويلا مازال خاصها نزيدو الابيض لان السميدة كاين لي كتشرب
بزاف وكاين نوع لا انا درت البيضات بجوج ونجمع الخليط
نشكل منو كويرات
نبسطهم شوية ونفدها في السكر صقيل
ونديرو فوقها كاوكاوة
ندخلهم الفرن على 180° الا كان عندك غير فرن عادي جارتي يكون
سخون مزيان وتسبقي تحطيها فالجهة التحتانية باش تفكع مزيان عاد
طلعيها الفوق ومتخارجيها حتى يولي لونها ذهبي وتشقق مزيان نخليو
غريبة بالسميدة و الكوك تبرد ونحتفظ بها في علبة باش تبقا طرية
وبالصحة والراحة
غريبة بالكوك بنينة و هشيشة بزاف
هي عبارة عن غريبة سهلة بالكوك تاتجي هشيشة وهي من حلويات العيد 2016
المقادير :
250 غرام ماركارين ، 2 كيسان الزيت و 2 كيسان سنيدة و2 كيسان الكوك ، 2 خمارات حمرين
والدقيق على حسب الخليط
طريقة التحضير :
كانخلطو السكر مع مارغرين ثم نضيفو الزيت والكوك
والطحين مع الخمارة والعجينة كاتكون رطبة
نكوروهاو نمرروها فالسكر كلاصي
ندخلوها الفران مشعول من الفوق حتى اتشقق و نطفيوه
و نشعلو على التحت وانردو ليها البال
حيت سااااااهلة تحرق
و هاهي كي كاتجي مشققة وغزالة وهشيشة كاتحمر الوجه
بالصحة والراحة
غريبة بالشكلاط شكل جذاب ومذاق رائع
هاد غريبة هي لمحبي الشكلاته، بسيطة التحضير طبعا
مقادير غريبة بالشكلاط :
120 غ شكلاط أسود – 60 غ زبدة – بيضة واحدة
150 غ سكر بني (تقدري ديري سكر عادي)
100 غ دقيق – 25 غ بودرة الكاكاو
ملعقة صغيرة خميرة كيماوية
ربع ملعقة صغيرة ڤاني
40 غ حليب
للتزيين :
30 غ سكر سنيدة و 30 غ سكر ڭلاصي
طريقة التحضير :
نذوبو الشكلاط في حمام مريم و في إناء آخر نخلطو المواد اليابسة (الدقيق + الخميرة + الكاكاو)
نبداو نطربو السكر مع الزبدة مزيان حتى يتجانسو و نزيد عليهم بيضة و الڤاني،
و تانضيفو ليهم الشكلاط مذوب و الحليب و نخلطو،
و فالأخير تانضيفو المواد الجافة(الدقيق الخميرة الكاكاو) و نجمعو العجينة و نخليوها ترتاح فالثلاجة 2 ساعات.
مني تانخرجوها تانديرو كويرات و نفندوهم في السكر سنيدة و من بعد في السكر ڭلاصي،
نستفووهوم فلاطة مدهونة و نباعدوهم باش مايلصقوش
وندخلو غريبة بالشكلاط ديالنا طيب في الفران يكون سخون،
للمزيد من حلويات غريبة تفضلي بزيارة هذا الرابط
