براوني بالموز والشكولاتة والكركاع

السلام عليكم جاراتي ان شاء الله تكونو بخير وعلى خير
هاد المرة نقدم ليكم براوني بالموز والشكولاتة والكركاع
رائع وسهل التحضير ومقادير جد سهلة ومذاق اروع
بلامانطول عليكم نتوكلو على الله ونبداو بسم الله

المقادير :

100 غرام كركاع
200 غرام شكلاط اسود
100 غرام زبدة
3 حبات بيض
90 غرام سكر ابيض
50 غرام طحين
200 غرام موز

طريقة تحضير براوني بالموز والشكولاتة والكركاع :

اول حاجة كنسخنو الفرن على درجة حرارة 180
من بعد نطحنو الكركاع غير يتهرمش ماشي يولي بودرة

ونخليوه على جنب وناخدو الشكلاط الاسود ونديروه
قطع صغار فزلافة ونزيدو عليه زبدة ونديروه فالميكرووند
لمدة مابين 10 تال 15 ثانية اولا الا مكانش نديوبوه فحمام
مريم ملي نخرجوه نحركوه ونصبوه فشي اناء كبير ونزيدو
عليه الطحين وسكر سنيدة والبيض ونخلطو كلشي مزيان
حتى يولي عندنا خليط متجانس

وعاد نزيدو الموز مقطع دوائر والكركاع لي كنا
هرمشنا ونخلطو بمعلقة ديال الخشب بشوية
ونجيبو المول ديالنا فحالة كان عندك عادي
دهنيه بالزبدة وترشيه مزيان بالطحين اولا الا كان
عندك ديال سيليكون غتكبي فيه الخليط مباشرة
ودخليها للفران لمدة 30 دقيقة يلا كان عندك بحال
هاد المول لي فالصورة تستفي فكل مربع دائرة
ديال الموز

وعاد تصبي الخليط ديالك

وتسرحي الخليط بشكل متساوي فالمول

ونفس درجة الحرارة لي سخنا بيها الفران
فالاول والمدة مجرد مدة تقريبية ممكن تحتاج
فالفرن ديالك اكثر او اقل باش تعرفي تجيبي
سكين يكون نقي وخشيه فالبراوني ديالك
وخرجيه الا خرج ناشف راها وجدات خرجيها الا
خرج وهو فيه العجينة زيديها شوية الوقت ونقدمو
براوني بالموز والشكولاتة والكركاع بالصحة والراحة
كنتمنى تعجبكم وتقدموها بالصحة والراحة