فلان بالكوك سهل ورائع جدا

السلام عليكم جارتي، هاد الأيام مع كثرة أطباق اللحوم الحمراء كلنا نحتاج إلى فترة راحة للمعدة بتجنب تناول اللحوم وتعويضها بالخضار ، كما نحتاج إلى بعض المقبلات والديسيرات السهلة التحضير . اليوم جيتك بوصفة فلان بالكوك سهل جدا ومذاق ولا أروع

الوصفة مشاركة من مدونة ” uneirresistibleenviedesucre ” كما يمكنك مشاركة وصفاتك وتجاربك المطبخية أنت أيضا جارتي من هنا ” مشاركة وصفات جاراتي “

المقادير :

علبة حليب مركز محلى
بنفس العلبة نعبرو علبة حليب عادي
125 غرام كوك مطحون
3 بيضات
1 ڤاني

الكراميل :

60 غرام سكر
2 ملاعق كبار ماء

الطريقة فلان بالكوك :

نوجدو الكراميل، نديرو السكر و الماء فوق نار مهيلة حتا يتكرملو و يتعسلو و يوليو لونهم ذهبي،

نديرو الكراميل في مول الفلان مدهون بالزبدة و نخليوه جانبا

نخلطو الحليب المركز مع الحليب العادي، الكوك، الڤاني و أصفر البيض

نطربو أبيض البيض حتا يولي ثلج و نضيفوه للخليط السابق بشوية حتا يتجانسو مزيان

نصبو الخليط في المول فوق الكراميل، نديرو المول في حمام مريم و ندخلوه للفران يطيب مدة 40 دقيقة،

إلا خشينا فيه السكين و خرج ناشف يعني راه طاب

نخليوه يبرد عاد نحيدوه من المول، و من بعد ندخلوه للثلاجة يبرد مزيآن قبل ما نقدموه

الجميل في هاد الفلان، هو أنه منين تيطيب تيتشكلو فيه 2 طبقات،

طباة ديال الفلان و طبقة ديال الكوك كيفما كاتشوفو في الصور،

و كانقدموه بالصحة و الراحة