طارط بالفريز أو بالشكلاط من وصفات الاخت دونيا ، الطورطة تاتجي رائعة والموضوع به نوعين اثنين طارط بالفريز وأخرى بالشكلاته أتمنى ان تعجبك
طبعا يبقى لك الاختيار بين الفراولة والشكلاته، على حسب ذوق العائلة والأطفال
مقادير العجينة
رابعة دقيق
نصف رابعة زبدة باردة مقطعة أطراف صغيرة
2 ملاعق كبار سكر
3 إلى 4 الملاعق كبار ماء بارد
حشوة الفريز
كاس حليب (15 سنتيلتر)
2 ملاعق كبار كريم پاتسيير بودرة
2 ملاعق كبار سكر
2 ملاعق كبار زبدة
150 غرام شكلاط أبيض
حشوة الشكلاط
150غرام شكلاط أسود
150غرام قشدة طرية
ملعقة كبيرة ڭليكوز (كيتباع فالمحلات الخاصة بالحلويات)
الطريقة
نخلط جميع مقادير العجينة إلا الماء،
نخلطوهم مزيان بأطراف الأصابع حتا تدخل الزبدة مزيان فالدقيق و يوليو فحال كسكسو،
و نجمعوها أخيرا بالماء بارد بلا ماندلكوها،
نديروها فپلاستيك غدائي و نخليوها فالثلاجة مدة 2 ساعات ترتاح،
منين نخرجوها نسرحوها بالمدلك و نديروها فالمول الخاص بالطارطة،
نثقبوها بالفورشيط و ندخلوها تطيب في الفران سخون حتى تحمر و نخرجوها
لتحضير حشوة الفريز:
نسخنو الحليب، نخلطو السكر مع بودرة الكريم،
نضيفوهم للحليب و نخليوهم فوق النار مع التحريك حتا يغليو،
نحيدوهم من فوق النار و نضيفو ليهم الزبدة و الشكلاط أبيض أطراف نحركو مزيان حتا يذوبو
لتحضير حشوة الشكلاط:
نديرو القشدة الطرية مع الڭليكوز فوق النار حتا يغليو،
نحيدوهم من فوق النار و نضيفو ليهم الشكلاط أطراف و نخلطوهم حتا يذوب الشكلاط
ناخدو الطارطة، نعمروها بحشوة الفريز و نزينوها بأطراف الفريز،
نسخنو المربى حسب الذوق و ندهنوها بيه باش نحصلو علا اللمعان،
أو نعمروها بحشوة الشكلاط و نزينوها حسب الرغبة،
نخليوهم يبردو و نقدموهم هاهي صور التقديم
بالصحة و الراحة
