السلام عليكم جاراتي ، اليوم جبت ليكم شنيك وكرواصة بكريم باتسير وحبيبات التمر من أختكم safa lwrida
المقادير :
500غ طحين
275مل ماء دافئ (انا عملت 250مل ماء+25مل حليب)
معلقة كبيرة خميرة الخبز ايلا كاينة حبوب افضل
8غ ملح
50غ زبدة
50غ سنيدة
150غ زبدة للتوراق
طريقة تحضير شنيك :
والخميرة نذوبوها من قبل فشوية الما دافيء من داك الما لي فالمقادير
كنخلطو جميع المقادير فالعجانة ايلا متوفرة او نعجنوها غير باليد
نجمعو العجينة ونغطيوها بشي منديل وتخليوها تخمر ساعة في مكان دافئ
من بعد كنضغطو عليها بيدينا مزيان باش يتحيد داك الهواء
ونرشو الطحين ونطلقوها بالمدلك كنوزعو الزبدة المقطعة على سطح العجينة كاملةوكنطويوها على 3 وندخلوها الثلاجة ترتاح لمدة 10 دقائق نخرجوها ونعاودو نطلقوها ونطويوها على 3 وندخلوها الثلاجة 10 دقايق ونعاودو نفس العملية 2 مرات كنطلقو العجينة وندهنوها بالكريم باتسيير وندير حبيبات ديال عجين التمر او الشكلاط او الزبيب او الفواكه المعسلة
كنلوي العجين ديالي من بعد كندخلها للفريكو واحد نصف ساعة بش ماتسيح ليا الكريم ايلا كنقطعها وملئ نقطعها نستفها فطوي ونخليو شنيك يخمرو ندهنوهم بالحليب منسم بالفاني وندخلوهم يطيبو ملي يطيب نخرجوه وندهنها بالناباج وشطت لي عجين ودرت منها كرواصة وحتي هي معمره بالكريم وبالصحة والراحة
لإضافة اللي مابغات دير كريم باتسسير تقدر دير كونفتير المشمش كيجي زوين به
بالصحة والراحة هاد شنيك وكرواصة
من جارتكم safa lwrida
