السلام عليكن جاراتي ، اليوم أقدم لكم وصفة رائعة جدا هي ميني كيك الفنجان ، الوصفة بالصور والمراحل خطوة بخطوة وان شاء الله تجربو هاد ميني كيك لأنها أكيد تعجب الوليدات وحتى الكبار مانطولش عليكم أترككم مع مقادير ميني كيك الفنجان والطريقة وأي سؤال يمكنك تركه في تعليق وسأحاول الاجابة عنه أنا أو صاحبة الوصفة الاخت أم طه
المقادير :
كاس سكر
كاس حليب
بيضة
كاس ونصف دقيق
م ك كاكاوا
خمارة
فاني
زيت لدهن
للتزين :
شكلاط
كوك أو حسب الرغبة
طريقة ميني كيك الفنجان :
نطرب سكر والبيض مزيان ونظيف الحليب والفاني والخميرة والكاكاوا ودقيق
ونحرك الكل مزيان حتى يتجانس
من بعد ناخد الزيت وندهنوا الكيسان
ونفرغ فيهم الخليط غير نصف الفنجان مدروش بحالي عمرتهم حتى فاضوا هههههه
ونضعهم في طنجرة فيها الماء كيغلي
ونوضع الكيسان بحيث الماء مايدخلش أو مايوصلش للكوؤس
ونضع فوطة فوق طنجرة ونغطوها باش البخار مايكونش الماء ويتقطر فوق الكيك
ونخلوها لمدة 20 دقيقة على نار مهيلة
ومنين طيب نخلوها تبرد ونزولها من الكيسان
وندوب الشكلاط ونزينه بالكوك أو حسب رغبة
وهاهي ميني كيك الفنجان
بصحة وراحة ميني كيك في الأكواب
