غريبة براوني بالطريقة التركية

جاراتي أقدم لكن اليوم وصفة غريبة براوني بالطريقة التركية من مطبخ Oum Taha ، جزاها الله خيرا على مشاركاتها المفيدة والقيمة ، غريبة براوني سهلة وبمقادير مختلفة نوعا ما عن مقادير غريبة المعروفة 

مقادير غريبة براوني : 

125 غ ماركرين
كاس سكر سنيدة
كاس زيت
4 م ك بودرة كاكاوا
بيضة
خمارة
فاني
12 م ك دقيق

القطر:

2،5 كاس سكر
3 كؤوس ماء

طريقة القطر :

أولا ناخد الماء والسكر في طنجرة فوق نار مهيلة ونحرك حتى يذوب السكر ومنين يغلى نحسبوا ليه من 7إلى8 دقائق ونفيوا عليه

طريقة العجين:

ناخد الزبدة + الزيت + السكر +البيض ونحرك الكل ونظيف الكاكاوا + فاني + خمارة

ونحرك الكل مزيان ونظيف الدقيق ونعجنها منين تجمع نعمل كويرات متوسطة

ونحطها فطاوة الفران وندخلها لفران سخون على 170 درجة لمدة 25 إلى 30 دقيقة

من بعد منين نخرجها وهي سخونة نغطسها بوحدة بوحدة فالقطر بارد

ونستفها فصحن التقديم أو حسب الرغبة

والباقي من القطر نكبوا فوقها ونزينها بالكوك أو الفستق مطحون ونخلوها ساعتين عاد نقدمها

هاهي غريبة براوني بالطريقة التركية بالصحة

ملاحظة : الكاس باش عبرت زيت عبرت بيه كاع العبارات الأخرى

وبصحة وراحة