السلام عليكم جارتي سفرجل معسل جبت ليكم
هاد المرة طريقة تحضير سفرجل معسل
بطريقة جد سهلة ورائعة
نبداو بسم الله
مقادير السفرجل معسل :
1 كيلو سفرجل
250 غرام سكر سنيدة
1 معلقة كبيرة قرفة
كاس صغير عسل
100 غرام زبدة
50 غرام لوز رقائق
زبيب
طريقة تحضير سفرجل معسل :
كنغسلو سفرجل وكنقيوه مزيان وكنقسموه على 4 اجزاء
من بعد كنديروه فإناء ومعاه الما و نخليوه يتسلق فالما
وفكسرونة نديرو السنيدة و القرفة و العسل
والزبدة و الزبيب ونزيدو
عليهم سفرجل من بعد ما نكونو صفيناه
ونخليوهم يغلاو 10 دقايق ونقدموه مزين برقائق اللوز
ونزينو بيه الاطباق ديالنا ملي يكونو عندنا الضياف
وهاهو بالصحة و العافية كنتمنا جارتي تجربي
هاد طريقة ديال تعسال السفرجل
