اليوم جبتليكم طريقة السردين محشي مع صلصة واعرة كتمشي مع جميع الاطباق
سردين محشي بلفلفة حمرا وخضرا مشوييين وتشرمولة والصلصة هائلة
ممكن ديريها مع كفتة تاع سردين او كفتة عادية حتى هي تاتجي مزيانة
او ممكن ديري عليها البيض من فوق كتجي بنينة
المقادير والطريقة بالصور
السردين منقي ومقطر
فلفلة حمرا وخضرا مشوين ومقطعين طريفات
تشرمولة معروفة
وكنزيد عليهم شوية تاع سودانية
وعصير الحامض
مقادير الصلصة
نص فلفلة حمرا حيث كيكونو كبار
فلفلة خضرا
بصلة صغيرة
معدنوس مقرض
جوج مطيشات بقشورهم وزرعتهم
جوج معالق زيت العود
جوج كيسان تاع لما بعبار كاس العنبة
ورقة سيدنا موسى او زعتر
فصوص الثومة
معقلة صغيرة تاع مطيشة الحك
كولشي نقرضوه طريفات ونقفل عليها طنجرة الظغط ربع ساعة ونفتحها
ونطحنهم فطحانة اليداوية
ونحطها فطاوة ونستف عليها السردين بحال هاد الشكل
ونزينهم بالفلفلة لي بقات المشوية
نمتنى تعجبكم وصفتي
وللمزيد من وصفات الجارة أم هديل اضغطي هنا
