السلام عليكم جاراتي اشنو رايكم
تجربو وصفة جديدة خفيفة توجديها للعشا
واللمجة سهلة التحضير و صحية ومقادير متوفرة
فالبيت كريصات معمرين بالكفتة
والخضرة وشهيين جدا ولذاذ
نبداو بسم الله
مقادير كريصات معمرين بالكفتة و الخضرة :
مقادير العجينة :
500 غرام دقيق
معلقة صغيرة من الخميرة
ملح
معلقة صغيرة من الزبدة المذابة
بيضة
كأس العنبة حليب دافئ
مقادير الحشوة:
بصلة مشلضة
2 فلفلات خضرات
2 فلفلات حمرات
2 كرعات
الكفتة
توابل الشوارما
الملح + الابزار
الصوجا
1 معلقة صغيرة موطارد
الهريسة
الزعتر
الزيتون مقطع
فرماج محكوك
زيت الزيتون
طريقة تحضير كريصات معمرين بالكفتة و الخضرة :
في اناء كنديرو الدقيق و الخميرة ملح و الزبدة
و البيض ونعجنوها بالحليب
ونديرو كريصات صغار و نخليوهم يرتاحو
وباش نحضرو حشوة كريصات معمرين
بالكفتة و الخضرة كنشحرو البصلة و الفلفة
مقطعين فزيت الزيتون من بعد نزيدو الكفتة
و الكرعة خضرة محكوكة ونزيدو عليها توابل
ديال الشوارما و الملح و الابزار و الصوجا و الموطارد
والهريسة و الزعتر وملي طيب الحشوة مزيان نحيدوها
من فوق البوطة و نزيدو الزيتون مقطع و الفرماج
وناخدو الكريصات لي خالينا يرتاحو ونسرحوهم
شوية فايدينا ونديرو الوسط الحشوة
ونجمعو العجينة
ونخليوهم يرتاحو ويخمارو و ملي يخمارو
ندهنوهم بالبيض وندردرو فوقو الزنجلان
و الحبة السوداء
نسخنو الفران و ندخلو فيه الكريصات وملي
يطيبو ويبردو نقدموهم
بالصحة و الراحة كنتمنى تجربيهم جارتي
