السلام عليكم جاراتي مبروك عواشركم بغيت رايكم فهاد الشهيوة
ميني بيتزا بالطون والشمبينيو سهلة ورائعة
المقادير
العجينة :
500 غرام دقيق
250 غرام زبدة
2 بيضات
ملح
الحشوة :
الطون
شمبينيو
زيتون خضر, اسود
3 معالق مطيشة ديال الحك
بزار
ملح
فرماج حمر
طريقة التحضير
كنخلط الدقيق و الزبدة و الملح مزيان تيولي مرمل ونخليه يرتاح من 4 دقايق تال 10
من بعد كنجمعوها بالببض ونخليها ترتاح شوية بيلما قطعت الزيتون
شي شوية ونديرو مطيشة ديال الحك فكصرونة فيها كاس ديال الما
ونخلطو كنزيدو عليه الملح و الابزار
كنطلقو العجينة بالدلاك فوق طبلة
و نقطعو بجبانة اولا مقطع لي كان موجود
ندخلوها للفران فطاوة مدهونة بالزيت
طيب نص طيبة ونخرجوها
وندهنوها بمطيشة لي وجدنا
ونديرو فوقها الطون و الشمبينيو و الزيتون شي 15 دقيقة
و نخرجها نحك فوقها الفرماج
وندخلوها الفران يسخن الفرماج باش يذوب
وهاهيا ميني بيتزا بالطون والشمبينيو بالصحة و الراحة
