السلام عليكم ورحمة الله وبركاته
موقع أم سيرين لكل ما يهم المرأة المغربية والعربية يقدم
طريقة عمل معمول بالتمر واللوز هش ولذيذ بالصور
مقادير معمول بالتمر واللوز
العجين
(للاشارة هنا استعملنا نصف المقادير)
(للاشارة هنا استعملنا نصف المقادير)
250 غرام زبدة(رخوة)
2 معالق سكر كلاصي
نص كاس زيت
معلقة صغيرة فاني
معلقة ماء الزهر
رشيشة ملح
ودقيق حسب الخلييط
الحشوة
كأس من عجينة التمر
كأس لوز منقي ومنشف ومطحون(ممكن الاستغناء عليه)
رشيشة قرفة
ماء الزهر
لتزيين
سكر كلاصي
طريقة تحضير معمول بالتمر واللوز
أولا نبداو بالعجين، نخدمو الزبدة والسكر كلاصي مزيااان ثم نضيفو زيت ونخدموهم
ونضيفو ماء الزهر والفاني ونجمعوها بالدقيق ورشيشة ملح
من بعد ما نجمعوها نديروها في الثلاجة ترتاح وخاص العجين متكونش قاصحة بزااف
بالنسبة للحشوة تنخلطو التمر مع اللوز لي طحنا ورشيشة قرفة ونجمعوها بماء الزهر ونكوروها كويرات صغار
من بعد تناخدو كويرات العجيين ونسرحوهم شوية ونعمروهم بكويرة تاع التمر ونسدو عليهم العجين ونكوروها
ثم نديروها في طابع تاع المعمول من الاحسن ندوزوهم قبل في شوية الدقيق غير رشيشة باش ميلسقوش لينا في الطابع
وهذا هو شكل الطابع المستعمل
منين نكملو الكمية نستفوهم في طاوة وندخلوهم للفران مسخن على درجة حرارة 200 ونخليوهم يطيبو
وهنا منين طابو خاصنا نخرجوهم بيضين مخاصهمش يتحمرو
منين نخرجوهم نهزوهم غير بشوية ونديرهم في السكر كلاصي حيت تيكونو سخاان وهشاش
حتى يبردو شوية عاد كنستفوهم فوق شي شبكة باش ميعرقوش ونخليوهم يبردو
وهذا الشكل النهائي لمعمول بالتمر واللوز وبالصحة والراحة
حتي عفاك نصف المقادير شحال خرجا تلك ديال الحلوة بلييييز جوبي حيت بغيت تا أنا نجربها وبغيت ندير غير نصف المقادير، جزاكي الله
ردحذفشحال خرجا تلك نصف المقادير حتى أنا بغيت ندير غير النصف، جزاكي الله
ردحذفمرحبا اختي
ردحذف125 غرام زبدة(رخوة)
1 ملعقة سكر كلاصي
ربع كاس زيت
نصف ىمعلقة صغيرة من سكر الفاني
نصف معلقة ماء الزهر
رشيشة ملح
دقيق حسب الخليط