طريقة تحضير ميني بطبوط معمر بالصور

بسم الله الرحمن الرحيم غدي نقدم ليكم طريقة تحضير ميني

بطبوط معمر بالصور كيجي بنين و لذيذ يمكن ليك سيدتي

ديري اي حشوة حبيتي الحوت او دجاج مع شعرية الصينية

لتحضير العجين

لتحضير البطبوط كنحتاجو ل 500غ دقيق حرش او دقيق الفينو و 250غ فورص .

الملح . م ك سكر . م ك زيت . م ك خميرة خبز و ماء دافي لجمع العجين

كندلكو العجينة مزياااان و تكون مرخوفة من بعد نغطيها و نخليها تخمر

نعمل كويرات صغار و نكرصهم اولا طلقوها كبيرة و قطعوها

بقطاعة الحرشة لعجبكم

نغطيهم و نخليهم يرتاحو شي 20د صافي و نخبزهم

تحضير الحشوة ميني بطبوط معمر بالصور 

دابا ندوزو للحشوة كنتبلو الكفنة بالتوابل الملح و الابزار و الكمون و القزبر

يابس و الخرقوم و التحميرة و شوية القرفة و البصل محكوك

و كنوجدو مطيشة مقطعة دوائر و الدنجال مقلي و الخس و المايونيو

المهم تقدرو تعملو اي خضر كتعجبكم و الصوص لبغيتو

نعملو الكفتة كويرات على قد البطيبيطات و نقليوها

كندهنو البطيبطات ديالنا بالمايونيز و نعمروهم
و نقدموهم

بالصحة و الراحة