السلام عليكم ورحمة الله وبركاته
موقع ام سيرين لكل ما يهم السيدة العربية يقدم طريقة تحضير الكيش بالطون والفلفلة بالصور
مقادير وطريقة تحضير كيش بالطون والفلفلة بالصور
مقادير العجين :
500غ دقيق فورص
بيضة
معلقة سنيدة
نص كأس مخلط زيت العود وزيت رومية
ملح
قبيصة خميرة الخبز
شوية زعتر
كنجمعو مكونات العجين بالماء ونخليوه يرتاح بينما وجدات الحشوة
نسرحو العجين في قوالب صغيرة مدهونة بالزبدة و مرشوشة بدقيق ونتكوها بالفرشيط وندخلوها للفران طيب نص طيبة
الحشوة :
بصلة مشلضة
فلفلة خضرا مقطعة مربعات صغيرة
فلفلة حمرا مقطعة مربعات صغيرة
ملح +ابزار+خرقوم ملون
زيت
نشحروهم مزيان حتى تدبال البصلة والفلفلة
نعملو خليط الفلفلة والبصلة لتحت ونديرو فوق منو الطون مصفى من زيت
نطربو 2 بيضات مع شوية الملح ونفرغوهم عليه ثم في الاخير نعملو شوية الفرماج محكوك
ندخلوهم الفران حتى يطيب ويتحمر
والعجين لبقا لينا ممكن نعملو منو بيتزات صغيرة وندخلوهم المجمد
وهاهو الكيش بالطون والفلفلة واجد وبالصحة والراحة
5sur5
ردحذفhad xi zwine jarebto lah ye3tik saha
ردحذفhaDchi zwine Ms lbiD m3a Toun ChwiYa khaYba 3iYana raYkoun wahD lmaDak khaYb rani raDinDirO Db bla Bid kééCh ra b Toun w lfrmaG wlkhDra
ردحذفla bal3aks akhti kayjiw zwinin
حذفbsahtak had lkhir zwin jarabtou tbarklah 3lik
ردحذف