اليوم جبت ليكم حريشات صغار بالطون و البورو بالصور
كيجيو لذاذ و بنان ساهلين في التحضير ما عليك
سيدتي الا تجربيهم و غدي تشوفي
مقادير حريشات صغار
نصف كيلو سميدة رقيقة كاس الا ربع مخلط بين الزيت و الزبدة
نصف كاس بقدونس
زوج بورويات مقطعين او ممكن تعويضه بالبصلة الخضارية
علبة طون بالزيت
ملح
كيس من خميرة الحلوة
الحليب لجمع العجين
طريقة تحضير حريشات صغار بالطون و البورو بالصور
تبسبس السميدة بالزيت و الزبدة و نضيف باقي المكونات
و نخلط جيدا حتى تتجانس كل المكونات و نجمع بالحليب
تكون مرخوفة كما في الصورة
تطلق الحرشة فوق السميدة الرقيقة و تقطع دوائر
تطهى الحرشة في القلاة الثقيلة من الجهتين
و بالصحة و الراحة
