طورطة بالشكلاط جدا رائعة لكل المناسبات السعيدة بالخطوات المصورة

04 نوفمبر 2013

(11)

السلام عليكم ورحمة الله وبركاته

موقع أم سيرين لكل ما يهم السيدة العربية يقدم طورطة بالشكلاط جدا رائعة لكل المناسبات السعيدة بالخطوات المصورة

مقادير طورطة بالشكلاط

مقادير الجينواز

6 البيضات

180 سكر

140 دقيق

40 كاكاو

مقادير كريم باتسيير بالقهوة

نصف لتر حليب

4 أصفر البيض

4 معالق كبار سكر

3 معالق كبار دقيق

معلقة كبيرة نسكافي

مقادير عجينة الشكلاط

200 شكلاط أبيض

2 معالق كبار عسل

2 معالق كبار ماء

70 غرام سكر كلاصي

ملونات غذائية

مقادير الكاناش

250 غرام قشدة سائلة

250 غرام شكلاط

معلقة كبيرة زبدة

طريقة تحضير طورطة بالشكلاط بالخطوات المصورة

طريقة تحضير عجينة الشكلاط

اولا نحضير عجينة الشكلاط

نذوبو الشكلاط في حمام مريم ثم نضيفو ليه الماء مخلط مع العسل و نخلطوهم مزيان

نخليو الشكلاط يبرد ثم نضفو عليه سكر كلاصي بالتدريج حتى نحصلو على عجينة

نقسموها كيفما واضح في الصورة ونضفو ليها ملونات غذائية نغلفوها ببلاستيك و نحتفضو عليها الى حين الاستعمال

عند الاستعمال نعاودو ندلكوه بين ايدينا مزيان حتى تصبح لينة حيت تتولي قاسحة

نطلقو العجينة بالمدلك مع رش الطاولة بسكر كلاصي و نقطعوها دوائر

نخدو الدائرة الأولى نضغطو عليها ما بين الأصابيع باش تزيد ترقاق و نلفوها على نفسها على هذا الشكل

حتى تنحصلو على وسط الوردة

و تنبقاو نلصقو في باقي الأوراق على الجوانب بعد ما نكونو رققناها بين الأصابيع

حتى نحصلو على وردة

و نقطعو وردات بالقطاعة

نخذو اللون الأصفر نعملو منو كويرات صغار و نضغطو عليهم بظهر الصفاية

ثم نلصقوهم في وسط الوردات

نطلقو اللون الأخضر و نقطعوه بقطاعة على شكل ورقة

هاهما الأشكال لي حضرنا بعجينة الشكلاط

نحضرو الجينواز بالطريقة العادية

ثم نقطعوها الى 3 دوائر

نخلطو كل مكونات كريم باتسري ونعملوه فوق النار حتى يتقال

ثم نضع الدائرة الأولى من الجينواز ونسقيوها بالقهوة طايبة مضاف لها السكر ثم طبقة من كريم باتسيير

نفس الطريقة لطبقة الثانية ثم نسقيو القطعة الثالثة و نغطيو بيها من الفوق

نغلفو الكيك بالقشدة الطرية مطربة و ندخلوها الثلاجة

ثم نبداو بتحضير الكناش نخذو 250 غرام قشدة سائلة مع 250 غرام شكلاط و نعملوهم في كسرونة على نار مهيلة
مع التحراك حتى يذوب الشكلاط نطفو عليه و نضيفو ليه معلقة كبيرة زبدة نخليوه حتى يدفى ونفرغوه على الكيك

الكناش لي نزل من الكيك نعملوه في جيب حلواني و نزينو بيه جوانب الطورطة

نزينو الطورطة بالورود و الأوراق على هذا الشكل

و نلصقو الوردات بقليل من الشكلاط على جوانب الطورطة

و نزينو من الفوق بنقط من الشكلاط الأبيض
وهاهي طورطة الشكلاط واجدة
تنتمنى تجربوها وتعجبكم