السلام عليكم و رحمة الله وبركاته
موقع أم سيرين لكل ما يهم السيدة العربية يقدم صابلي باللوز سهل ولذيذ بالصور
مقادير صابلي باللوز بالصور
2 بيضات
370 غ زبدة بحرارة الغرفة
400 غ سكر كلاصي
100 غ لوز مصلوق و منقي ومفسخ
قطرات من روح الليمون أو روح الفاني
700 غ دقيق تقريبا أو حسب الخليط
للتزيين
مربى مشماش
مربى الفريز
كوك
شكلاط محكوك
طريقة تحضير صابلي باللوز سهل ولذيذ بالصور
اولا نشفو اللوز في فران بلا ما يتحمر ثم نطحنوه ونضيفو عليه 2 م ك دقيق
نقصوهم من 700 غ دقيق لعندنا
ونعاودو نطحنوه
ثم نخلط زبدة مع السكر مزيان حتى يوليو بحال الكريمة و نضيفو البيض و روح الليمون او الفانيلا واللوز لطحنا ونخلطو عاد نضيفو الدقيق شوية بشوية حتى نحصلو على عجينة رطبة ومتماسكة يسهل بسطها
ثم نغطيوها بالبلاستيك الغذائي وندخلوها الثلاجة لمدة ساعة
من بعد ما دازت المدة نبسط العجين فوق طاولة مرشوشة بالدقيق أو من الاحسن بين قطعتين من البلاستيك وتقطع بالمرشم مثل الموجود في الصور أو يمكن استعمال اي مراشم متوفرة عندك
ثم نصففها في صنية الفرن تكون مدهونة بالقليل من الزيت وندخلوها الفرن ساخن على درجة حرارة 180 مدة 10 دقايق أو حسب نوع الفرن ديالك
ثم نلسق حلويات الصابلي بالمربى وتزين بالشكلاط والكوك
وهذا هو الشكل النهائي لصابلي باللوز
