الكتف محمر مرافق مع الخضر مبخرة بالخطوات المصورة

السلام عليكم ورحمة الله وبركاته

موقع أم سيرين لكل ما يهم السيدة العربية يقدم الكتف محمر مرافق مع الخضر مبخرة بالخطوات المصورة

مقادير اللحم المحمر مرافق مع الخضر مبخرة

معلقة صغيرة من كل هذه التوابل: 

ملح وابزار وسكينجبير وخرقوم بلدي وتحميرة وكمون
 شوية الزعفران شعرة مسخن ومحكوك 
شوية السمن 

معلقة كبيرة من الموطارد

 5 ضريسات تاع الثوم مطحون 

واللحم بطبيعة الحال الكتف او يمكن ليكم تعملوا اي حاجة طريفات اللحم عاديين او الضلعة 

طريقة تحضير الكتف محمر مرافق مع الخضرة مبخرة

تنخلطو جميع التوابل وندهنو بيهم اللحم مزيان ونخليوه مرقد لمدة ساعة تقريبا واللى كانوا جايين عندك الضياف من الاحسن يترقد ليلة كاملة هكا تتهناي منو وغي تتنوضي في الصباح وتبداي بيه

تنحطوه في الكوكوت وتنرشو عليه معلقة صغير قزبر حبوب تكون مطحونة من قبل واحد ضريس تاع الثوم صحيح و نزيدو تقريبا 3 كيسان عنبة ماء ونسد عليه في الكوكوت بلا ما يتقلى

مرة مرة نهزو الكوكوت ونبقاو نحركوها وهي مسدودة ونرجعوها فوق العافية ملي نحسو بيها شربات الماء تنحلو عليها الى لقينا اللحم طاب صافي نطفيو عليه اما لكان باقي نزيدو الماء ونسدو عليه مرة اخرى 

هنا من بعد اللحم ماطاب نزلوه في لاطة الفرن وندهوه بالزبدة وشوية زعفران شعرة 

ندخلوه الفرن يتحمر من الجهتين 

من بعد ما تحمر الكتف تنرافقوه مع خضيرة مبخرة وملي طابت شحرناها في زبيدة والملحة والابزار والكمون كل حاجة بوحدها بطبيعة الحال