حرشة معمرة بالكفتة والخضر رائعة بالصور

السلام عليكم ورحمة الله وبركاته 

موقع أم سيرين لكل ما يهم السيدة العربية يقدم حرشة معمرة بالكفتة والخضر رائعة بالصور

مقادير وطريقة تحضير الحرشة معمرة بالكفتة رائعة بالصور

مقادير الحشوة :

شوية  الكفتة

بصلة صغيرة مقطعة مشلضة 

معدنوس مقطع

فلفة بالألوان مقطعة قطع صغيرة

زيتون مقطع

خزو(جزر)محكوك

مرتديلا أو كاشير مقطع 

بيضة

(هاد لمقادير تتبقا إختيارية يمكن درها بطون أو دجاج أو لحم أو غير بالخضرة بحدها)

زيت بلدية

عطرية :

+ملح +فلفلة حمرا +إبزار  

زعتر محكوك 

ورقة سيدنا موسى

طريقة تحضير الحشوة

كنشحرو هاد مقادير كلها مع العطرية مزيان حتى تنشف و نحاولو نفتتو لكفتة وفي آخير نزيدو البيضة باش تجمع الحشوة (ممكن نستغناو عليه تبقى حسب الرغبة )  ثم نخليوها تبرد

مقادير عجين الحرشة 

 نص كيلو سميد رقيقة نحيدو منها كميشة صغيرة

شوية ملح

شوية سنيدة

ملعقة كبيرة حليب بودرة

خميرة الحلوى

شوية الزعتر محكوك

 نص كاس زيت 

حليب باش نجمعوها (تقريبا نص لتر قل كاس عنبة )

طريقة تحضير العجين:

أولا كنخلطو المواد جافة و من بعد نضيفو الزيت و نبسبسوها مزيان عاد نضيفو الحليب ونبداو نجمعوها شوية بشوية و نخليوها تشرب الحليب

 بما وجدنا المول لي غادي ندهنوه بزبدة و نرشوه بالسميدة ليخلينا

طريقة تشكيل الحرشة معمرة بالكفتة بالصور

كنقسمو العجين على جوج ،نسرحو القسم الاول

 فوق طاولة مرشوشة بالسميدة ونفرشوه فوق المول ونقدوها مزيان بيدينا

 و نضيفو فوق منو الحشوة

  من بعد نسرحو القسم الثاني و نديروه فوق الحشوة ونقادوه شوية بيدينا من جناب 

من بعد كنزوقوها كيف ما واضح في الصورة أو نخليوها عادي

 ندخلو الحرشة للفرن تقريبا شي 25 دقيقة أو على حسب الفرن ديالكم حتى طيب وتحمر

وهاهي الحرشة المعمرة بالكفتة واجدة