السلام عليكم ورحمة الله و بركاته من موقع جاراتي اقدم لكم هذا غراتان الكفتة بالدنجال والفلفلة خضرة سهل التحضير ولايتطلب اي مجهود ما عليك الا ان تقولي باسم الله و تبدئي بالتحضير
المقادير
– دنجال
– كفتة
– فلفلة خضرة
– طماطم
– معجون الطماطم
– توابل( ملح، لبزار، كمون، فلفلة حمرة حلوة؛ثومة مطحونة؛شوية زيت،قزبر والمعدنوس ربيع)
طريقة التحضير
نشوو على النار الدنجال و الفلفلة ؛ من بعد ناخذ الدنجال نمعكه بالفورشيط نضيف ليه الكفتة وتوابل( ملح، لبزار، كمون، فلفلة حمرة حلوة؛ثومة مطحونة؛شوية زيت،قزبر والمعدنوس ربيع).نخلط الكل و نعمل من كويرات صغار نحطهم في المول.
– من جهة اخرى نحك طماطم نضيف ليها معلقة كبيرة من معجون الطماطم و توابل( ملح، لبزار، كمون، فلفلة حمرة حلوة؛ثومة مطحونة؛شوية زيت،قزبر والمعدنوس ربيع،معلقة صغيرة سكر)،ربع كأس ماء ، نخلط الكل و نصبه في القالب .
– و أخيرا نزين بشرائح الفلفلة و نرشها بشوية الملح ، لبزار،ثومة مطحونة .
– نغطوا القالب بالالمنيوم ندخله للفرن نصف ساعة من بعد نزيل الالمنيوم و نخلوه حتى يعقد اي يشرب المرق وتختر لصوص طماطم.
يقدم دافئ من الاحسن.
