recent

جديد المواضيع

recent

بالخطوات المصورة طريقة تحضير بينيي ساهل و لذيذ


السلام عليكم ورحمة الله وبركاته 

موقع أم سيرين لكل ما يهم المرأة المغربية والعربية يقدم طريقة تحضير بينيي ساهل و لذيذ بالخطوات المصورة

 طريقة تحضير بينيي ساهل و لذيذ

الوصفة من تحضير الاخت اميرة بأخلاقي جزاها الله عنا كل خير

مقادير بينيي ساهل و لذيذ

(العبار بكاس العنبة)
2 كيسان دقيق
كاس الا ربع حليب دافئ
بيضة
2 معالق زبدة مدوبة
1/2 خمارة حمراء
فاني
قشرة ليمون او حامض اختيارية
معلقة خميرة
1/2 معلقة صغيرة سنيدة
قبصة ملح

لتزيين

سكر سنيدة 
شكلاط ابيض و اسود 
مربى....

 طريقة تحضير بينيي ساهل و لذيذ

 طريقة تحضير بينيي ساهل و لذيذ

نسخنو الحليب ونضيفو ليه الخميرة و سنيدة و نخليوه حتى يطلع
في ايناء نخلطو كل المواد الجافة مزيان ثم نضيفو الزبدة مدوبة
والحليب لي فيه الخميرة و بيضة و نعجنووه

 طريقة تحضير بينيي ساهل و لذيذ

خاص ندلكوه مزياان حتى نحصلو على كرة ملساء
نغطيوها و نخليوها تخمر مزيان شي ساعة تقريبا

 طريقة تحضير بينيي ساهل و لذيذ

بعدما تخمر مزياان نخويوها من الهواء ونسرحوها بالدلاك  متكونش رقييييقة بزاف شوية ونحطو وسطها العمارة لي بغينا
انا هنايا عمرتها بالشكلاط و المربى نعاودو نغطيوها بالعجين
عاد نقطعوها

 طريقة تحضير بينيي ساهل و لذيذ

ولكم الاختيار كبيرة او صغيرة ممكن منعمروهاش حتا طيب بكريم باتسيير او كناش شكلاط انا كتعجبني هاكا نستفوها فشي طاوة ونخليوها تخمر مزياان

 طريقة تحضير بينيي ساهل و لذيذ

بعدما تخمر نسخنو الزيت و نار تكون منقوصة حيت في ساع كيتحمرو ونبداو نرميوهم فالزيت وهنا كاين واحد السر
اننا نغطيو المقلة منين نرميوهم باش يتنفخو مزيااااااان

 طريقة تحضير بينيي ساهل و لذيذ

شوفو تبارك الله شحال تنفخو

 طريقة تحضير بينيي ساهل و لذيذ

منين يتحمرو نقلبوهم على الجهة الثانية ونحطوهم فوق ورق نشاف علما انهم مكيهزوش الزيت كيجيو ناشفين
ونرشوهم بالسنيدة و نقدموهم مع كويس اتاي او قهوة بالصحة و الراحة

 طريقة تحضير بينيي ساهل و لذيذ



عن الكاتب

om sirine om sirine
  1. شكرا اختي والله شوقتيني نجربهوم واش اختي معلقة خمير واش صغير ولا كبيرة وشكرا

    ردحذف

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

موقع أم سيرين

2016