recent

جديد المواضيع

recent

وصفة سكنجبير للحمل بإذن الله


السلام عليكم ورحمة الله وبركاته


موقع أم سيرين لكل ما يهم السيدة العربية يقدم وصفة سكنجبير للحمل بإذن الله





اخواتي العزيزات ليوم تنقدم ليكم وصفة للحمل فعالة بإذن الله في المساعدة على الحمل
بعدما جربوها بعض الاخوات ورزقهم الله الذرية بعد طول انتظار قررت نشاركها معاكم ونزولا عند طلب واحد الاخت كانت طلبات مني نزل ليها الوصفة للحمل تنتمنى من الله تشوف الوصفة وتجربها ويرزق الله الذرية الصالحة وجميع الاخوات 
 تنحاول دائما نزل ليكوم وصفات تكون مجربة او جيباها من مصادر موثوقة حيت تتبقى صحة الانسان اهم من كل حاجة
 يعني اخواتي قبل ما تجربو اي وصفة بحتو مزيان في المكونات ديالها عاد استعملوها
مهم هاد الوصفة سهلة وتتكون من مكونين فقط  طبيعين وما منهم خوف

 المكون الاول سكينجبير اكيد كلنا تنعرفو الفوائد ديالو العظيمة وهو معروف بالدور ديالو في تنضيف الرحم ولمعرفة اكثر فوائد سكينجبير اقرئي هذا الموضوع (8 فوائد صحية للزنجبيل)
والاهم من كل هذا انه مذكور في القران الكريم قال تعالى : ( ويسقون فيها كأسا كان مزاجها زنجبيلا) سورة الانسان ايه ( 17) صدق الله العظيم
 اما المكون الثاني هو الماء قال تعالى (وجعلنا من الماء كل شيء حي ) سورة الأنبياء صدق الله العظيم

بعدما عرفنا فوائد ديال سكنجبير نخليكم مع مكونات وطريقة تحضير واستعمال وصفة الحمل

مكونات وصفة سكنجبير للحمل

ربع كأس سكنجبير طري مغسول ومحكوك بالقشرة ديالو
نصف كأس ماء عادي 

طريقة تحضير واستعمال وصفة سكنجبير للحمل

اول حاجة خاصك تستعملي الوصفة نهار الاخير في العادة الشهرية يعني نهار قبل ما تغسلي 
في صباح داك النهار تتخلطي الماء مع سكينجبير وتشربيه على الريق قبل الفطور بنصف الساعة تعملي واحد فوطة بيضة باش تشوفي من بعد العجب لغدي تلقاي تتلبسي حوايج مزيان وخاصك تحركي مزيااااان داك نهار يعني حاولي تخرجي وتمشاي مزيان واحد الاخت قالت بلا خرجات تتمشى النهار كامل من الصباح حتى الليل او ممكن داك النهار تخملي الدار الى مقدرتيش تخرجي مهم خاصك تحركي ومزيااااان وهاذي مرحلة مهمة وضرورية لنجاح الوصفة
 في الليل ملي غدي تقلبي الفوطة غدي تلقايها كحلة متخلعيش هذي نتيجة مزيانة تتعني بأن السكنجبير عطا المفعول ديالو 
تنتمنى من الله عز وجل يرزق جميع المسلمين الذرية الصالحة امين يا رب

عن الكاتب

om sirine om sirine
  1. Merci pour ka recette ,Mais j'ai un

    ردحذف
  2. Jazakom la khsyra Ana jarbtha wmajabch la walakin makhrajt hta l3chiya saraha matmchitch bzaf machkora o5ti 3la lwasfa lsh efarhsk merci

    ردحذف
  3. chokran kheti 3ela had wasfa ana 3anjarba berit 3i nesa9sik minehok sekanjebar w nediro f mae wax nesafih awela nexarebo haydak wa chokeran

    ردحذف
  4. العفو اختي هذا واجب لا اختي متصفيش سكينجبير شربيه غدي يجيك مذاقو شوية حار ولكن صبري والله يرزقك اختي الذرية الصالحة عاجلا غير اجلا

    ردحذف
  5. السلام أنا اشربت أسكينجبير ولكن ماجبش الله أدراري اشنو أندير باش نحمل أتزوجت 3 سنوات

    ردحذف
  6. وصفة أسكنجبير للحمل

    ردحذف
  7. أنا درت سكنجبير ولكن مرنيش حمل شهـرين أنا كنجرب سكنجبير والو نصحوني الله اخليكم

    ردحذف
  8. كيفاش نشرب سكنجبير امعى حليب ألا

    ردحذف
  9. ردووووو عليا أرجوكوم أنا حيرانا أشنو أندير الله إخليكوم رد عليا كنستناكم أتجاوبو

    ردحذف
  10. اختي نسرين خاصك اختي اولا دوزي عند الطبيب حتى تعرفي المشكيل واش منك او من راجلك الى كان مشكيل تأخر الحمل منك غير عاودي هاذ الوصفة وتبعي كاع المراحل وان شاء الله يكون خير
    واهم حاجة الاستغفااار والدعاء والله يرزقك الذرية الصالحة

    ردحذف
  11. salam khti wach t9dar tsta3mml skinjbir mthun msawb xreto hakak wach t9dar tsta3mla mor 3ada chahriya bxi 4 jour hit mchat mni daba plz jawbni lah ytek makatmina yarabi

    ردحذف
  12. وعليكم السلام ورحمة الله وبركاته
    ضروري اختي تستعملي سكنجبير طري حيت تكون محافظ على كل المكونات الديالو ماشي بحال سكنجبير الجاف والمطحون وخاصك تعملي الوصفة النهار لقبل متغسلي يعني اختي صبري حتى يدوز شهر رمضان وجربيها واستغلي هاذ الشهر المبارك بالدعاء والاستغفار بنية ان الله يرزقك الله الذرية الصالحة لعلى وعسى يجيب الله تسير وتحملي بدون الحاجة لاستعمال الوصفة
    الله يفرح قلبك اختي عن قريب بكل ما تتمناي

    ردحذف
  13. سلام عليكم صراحة عجبتني هاد الوصفة وخا باقي مجربتها أنا كنطلب من إرزقني دررية الصالحة ياربي أو شكرا أختي

    ردحذف
  14. السلام عليكي حبيبتي اول شيئ اشكرك على هده الوصفة اوغادي نجربها انا كنت حملا ولاكين طاحلي دب هادي 8 اشهر مزال ماجاب الله غادي نجاربها بعد غدا حيت قربات تامشي دورة واحد شهر او نص نجاوبكوم بلي كاين معاك حنان من مغرب دعيو معايا و شكر لجميع تمنيات بالحمل لكل محرومة امين يا ربي

    ردحذف
  15. السلام عليكم انا تزوجة 10 سنوات وكنحمال وكايطيحولي مشهر لووال هادي 6 دنبة ممكين شي ناسيح من عندكوم

    ردحذف
    الردود
    1. هاذ المرة ملي تحملي عليك بالراحة ومتهزي حتى حاجة ومتعصبيش حتى يفوتو شهور الاولى حيت هي المرحلة الحساسة في الحمل وضروري تبعي مع طبيب
      الله يثبت حملك ويرزق الذرية الصالحة اختي

      حذف
    2. معرفتش علاش جاوبت الاخت لي تيطيح ليها الجنين فأول الحمل ومطلعش تعليقي

      حذف
    3. شكون لي خاص يوافق عليه

      حذف
  16. chokran bzaf

    ردحذف
  17. chokran ala had wasfa .ana jarrabtha w hmalt w benti andha 2ans daba .allah yhafdak

    ردحذف

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

موقع أم سيرين

2016