recent

جديد المواضيع

recent

طريقة عمل عجينة السكر أو الفوندان بالخطوات المصورة




السلام عليكم ورحمة الله وبركاته



موقع أم سيرين لكل ما يهم السيدة العربية يقدم طريقة عمل عجينة السكر أو الفوندان بالخطوات المصورة

هذه الوصفة من وصفات الأخت أم كنزة جزاها الله خيرا

 طريقة عمل عجينة السكر أو الفوندان بالخطوات المصورة

قبل ما نبداو بغيت نوضح ليكم بلي كاين فرق بين عجينة السكر {الفوندان} و بين عجينة الباستياج { الكام بيست} .
عجينة السكر هي لي كا نغلفو بيها الكيكات , كتكون رطبة و ملساء وسهلة في الخدمة , و الوصفات لي فيهم شكلاط ابيض او اسود راه كيتسماو عجينة الشوكولا ماشي عجينة السكر
اما عجينة الباستياج فهي لي كنستعملو في تحضير الورود أو أي شكل بغينا نزينو 
بيه عجينة السكر كتكون قاصحة شوية و شكل لي قادينا بها كا يبقى شاد و واقف و دغيا كيقصاح.

مقادير عجينة السكر أو الفوندان بالصور

4 معالق صغار جيلاتين بودرة حلال {بقري}
4 معالق كبيرة ماء
120 مل من كليكوز او شراب الدرة

1 ملعقة صغيرة من زيت الجليسرين
سكر كلاصي ناعم مغربل مزيان { تقريبا 1كيلو}

 طريقة عمل عجينة السكر أو الفوندان بالخطوات المصورة


طريقة تحضير عجينة السكر أو الفوندان بالخطوات المصورة


ناخدو الجيلاتين نضيفو ليه الماء و نوضعوه في حمام مريم و نحركو حتى يدوب

 طريقة عمل عجينة السكر أو الفوندان بالخطوات المصورة

نضيفو الكليكوز و نحركو ثم الجليسيرين حتى يمتزجو مع بعضهم

 طريقة عمل عجينة السكر أو الفوندان بالخطوات المصورة

نحيدوهم من حمام مريم و مباشرة نبداو نزيدو السكر كلاصي شوية بشوية
نزيدو فالسكر حتى يتكون عندنا خليط لزج
نضيفو السكر مرة اخرى و نخلطو مزيان

 طريقة عمل عجينة السكر أو الفوندان بالخطوات المصورة


 طريقة عمل عجينة السكر أو الفوندان بالخطوات المصورة


 طريقة عمل عجينة السكر أو الفوندان بالخطوات المصورة




 طريقة عمل عجينة السكر أو الفوندان بالخطوات المصورة


ملي تلاحظي الخليط بدا يتجمع , رشي سكر كلاصي فوق سطح اكون نظيف و كملي التدلاك مع اضافة السكر حتى تتكون عجينة رطبة ما كتلصقش لنا في يدينا.


 طريقة عمل عجينة السكر أو الفوندان بالخطوات المصورة


 طريقة عمل عجينة السكر أو الفوندان بالخطوات المصورة


 طريقة عمل عجينة السكر أو الفوندان بالخطوات المصورة

هذا هو الشكل ديالها ملي كتكون واجدة

 طريقة عمل عجينة السكر أو الفوندان بالخطوات المصورة

غلفيها ببلاستيك و احتفظي بها في علبة بلاستيكية مسدودة مزيان, في مكان جاف حتى تحتاجيها.

 طريقة عمل عجينة السكر أو الفوندان بالخطوات المصورة

وصفات أخرى لعجينة السكر أو الفوندان

الطريقة الثانية لتحضير عجينة السكر او الفوندان

المقادير 

1 أبيض بيضة
  2 معالق كبار كليكوز
650 غ سكر كلاصي ناعم مغربل مزيان {يمكن تحتاجي اقل او شوية أكثر }

طريقة التحضير

وضعي ابيض البيض في سوبيرة و بداي تزيدي شوية ديال سكر كلاصي و انتي كتحركي بالمعلقة , ملي يبدأ الخليط إثقال زيدي 1 معلقة كليكوز ثم السكر كلاصي , وبداي تعجني بيديك من بعد ضيفي المعلقة الثانية من الكليكوز و ضيفي شوية بشوية ما تبقى من السكر كلاصي حتى تجمع ليك العجينة , و تتكون ليك عجينة رطبة و ملساء .

الطريقة الثالثة لتحضير عجين السكر أو الفوندان

المقادير

30 غ ماء
 5 غ من اوراق الجيلاتين
 60 غ كليكوز سائل
 450 غ حتى 500 غ سكر بودرة ناعم ومغربل

طريقة التحضير

غادا ديري اوراق الجيلاتين مع الماء وتخليهم 2 دقائق , من بعد دوبيهم في حمام مريم , ثم ضيفيهم على نصف كمية السكر مع الكليكوز و خلطي , مرة مرة زيدي السكر حتى تجمع ليك العجينة و ماتبقاش تلصق ليك في يديك .

هاد الوصفة كتعطينا تقريبا نصف كيلو من عجينة السكر , الى نتي محتاجة اكثر عاودي نفس الطريقة باش تحصلي على كيلو من العجينة , غادا تقولي لي واش امكن ندوبل المقادير من الاول , امكن ليك ولكن انا جاتني اسهل هكدا كتحكمي فيها ودغيا كتجمع ليك وخصوصا الى عندك العجانة خلطي فيها دغيا كتجمع العجينة

الطريقة الثالثة لتحضير عجين السكر أو الفوندان سهلة وبدون جيلاتين ولا كليكوز

المقادير

450 غ ميني مارشمالو / شامالو / كيموف 
2 حتال 5 معلقة كبيرة ماء حسب نوع المارشمالو
كيلو تقريبا من السكر كلاصي الناعم مغربل

2 معلقات صغيرة من سمن نباتي{ الى يمكن ليك تحصلي على سمن نباتي بحال كريسكو احسن}


طريقة التحضير

دخلي الشامالو للميكرواوند 30 ثانية ملي تخرجيه الى ما عندكش ميكرواوند امكن ليك دوبيه في حمام مائي
خلطيه شوية بشوية بالسكر كلاصي ناعم
وانتي كتعجني دهني مرة مرة يديك بداك السمن النباتي
الى جاتك قاسحة زيدي ملعقة صغيرة ماء و الى جاتك كتلصق بزاف زيدي شوية سكر كلاصي {حسب نوع الشامالو } حتى تجمع و تولي ملساء .

الشامالو هو واحد الحلوة ديال الصغار كتكون اسفنجية و راه موجودة هاهي صورة خديتها من نت باش تعرفو الشامالو و المارشمالو و تقدرو طبقو الوصفة ان شاء الله
كيتباع في الوان , كاين الابيض , وكاين الوردي و الاصفر و البلو سييل
الى كنتي غادا تحتاجي لعجينة في الوان اخرى من الاحسن تاخديه ابيض باش تلوني العجينة من بعد بلي بغيتي, و الى مثلا كنتي باغا العجينة تكون وردية كلها خوديه وردي كيعطيك عجينة لونها وردي فاتح ...
هادي صورة ديالو خديتها من النت باش تعرفوه


مقادير وطريقة تحضير عجينة الباستياج 

المقادير

500 غ سكر كلاصي ناعم و مغربل
5 غ جيلاتين دايبة في 40 غ من الماء 
 عصير نصف حامضة

طريقة التحضير

خدي الجيلاتين وضعيه في الماء و سخنيه في حمام مريم او في مييكرو اوند حتى تدوب، ضيفي عليها شوية من السكر كلاصي و بداي حركي بالمعلقة , ثم ضيفي عصير نصف حامضة و حركي ثم زيدي شوية بشوية السكر حتى ابدأ الخلييط اتجمع , ضيفي شوية بشوية السكر و انتي كتعجني حتى تتكون عندك عجينة ما تلصقش في اليدين .

عن الكاتب

om sirine om sirine
  1. عندي سؤال ... انا مثلا اشتريت عجينة سكر سويسريه بس لينه ما تنفع لعمل الورد وش اسوي بالحاله هذي ينفع ازيجها سكر بودره عشان تقسى ؟

    ردحذف
  2. siri alahe iarhame lik lwalidin

    ردحذف
  3. lahe ia3tike saha

    ردحذف
  4. لكن الفوندون يجي سايل علي عجينة السكر

    ردحذف
  5. رؤؤؤؤؤعه

    ردحذف
  6. انا اريد وصغة ما تكون فيها جيلاتين وشكرا

    ردحذف
  7. اختي ام وائل وصفة عجينة السكر بدون جيلاتين موجودة فوق مع المقادير

    ردحذف
  8. روووووعة وتجنن

    ردحذف
  9. واش ممكن طريقة صنع العسل الابيض

    ردحذف
  10. هل يمكن اعمل عجين من السكر ونشا وفانيلا فقاد

    ردحذف
  11. هل يمكن تعمل عجينت سكر ونشا

    ردحذف
  12. هل سكر بودرة هو سكر كلاصي

    ردحذف
  13. نعم اختي سكر بودرة هو سكر كلاصي

    ردحذف
  14. تبارك الله عليك حتى انت بغيت طريقة العسل الابيض

    ردحذف
  15. lah i3tik saha wa chokran

    ردحذف
  16. الله يعطيك صحة

    ردحذف
  17. انا نبي انضوقها

    ردحذف
  18. شكرن لكي يا ام سبرين

    ردحذف
  19. واش الوصفة لي بلا جيلاتين مضمونة

    ردحذف
    الردود
    1. نعم مضمونة وتجربة خير برهان

      حذف

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

موقع أم سيرين

2016