recent

جديد المواضيع

recent

فن تزيين الكيك : طريقة حشو وتغطية الكيك بالكريمة بالصور


السلام عليكم ورحمة الله وبركاته



موقع أم سيرين لكل ما يهم السيدة العربية يقدم فن تزيين الكيك : طريقة حشو وتغطية الكيك بالكريمة بالصور

فن تزيين الكيك : طريقة حشو وتغطية الكيك بالكريمة بالصور

وصفة الاخت أم كنزة جزاها الله خيرا

لتحضير كريمة الزبدة اقرئي هذا الموضوع 


درس ديالنا غادي اكون كيفية حشو الكيك ديالنا و تغطيته بالكريمة بطريقة سهلة
أول حاجة غادي ناخدو بوش {جيب الحلواني} و نوضعو فيه الكريمة ديالنا, حاولو ما تعمروهش بزاف باش ما تخرجش لينا الكريمة من 
الفوق .
اسهل طريقة باش تعمرو البوش هي توضعوها وسط كاس كبير .
أنا استعملت الدوي رقم 12 الى ما كانتش متوفرة قطعي غي البوش ولكن غي قطعة صغيرة.

فن تزيين الكيك : طريقة حشو وتغطية الكيك بالكريمة بالصور

خدو كارتونة و غلفوها بورق الومنيوم او لي عندها ديال الحلويات واجدة احسن, و ديرو شوية من الكريمة كيف باين في الصورة , باش الكيك إلصق و ما يميلش ليكم 
خدو واحد الطبقة من الجنواز و من الاحسن تكون الطبقة لي كانت في الفوق باش الى كان شي عيب ما يبانش.
اسقيوها مزياااان بالسيرو باش ما تجيكومش ناشفة .
{السيرو : 100 مل ماء + 100 غ سكر غير اغلاو و طفي عليهم , يمكن تنسمو بالنكهة لي بغيتو }
ملحوظة : ما تخليوش السيرو حتى اتعسل حيت كيقصاح في الكيكة الى دخلناها للثلاجة , غي اغلا صافي وطفيو عليه.
و بداو كيف ما باين في الصورة ديرو الكريمة بنفس الطريقة .

فن تزيين الكيك : طريقة حشو وتغطية الكيك بالكريمة بالصور

ثم سرحو الكريمة بالسباتول

فن تزيين الكيك : طريقة حشو وتغطية الكيك بالكريمة بالصور

عاودو نفس الطريقة , حطو الطبقة الوسطى من الجنواز , و سقيوها مزيان بالسيرو ثم وضعو الكريمة.
هاد الطريقة من وضع الكريمة كتكون ساهلة و كاتكون طبقات الكريمة متساوية في الكيك ماشي طبقة فيها كريمة بزاف و طبقة فيها غي شوية .

فن تزيين الكيك : طريقة حشو وتغطية الكيك بالكريمة بالصور

حطو الطبقة الاخيرة من الجنواز و هي الطبقة لي كانت التحت, حيت دائما كاتكون مستوية و من الاحسن تكون هي الفوق باش الكيكة ديانا يكون سطحها مستو .
سقيوها كدلك بالسيرو , و هاد المرة وضعو طبقة خفيفة من الكريمة ماشي بحال الطبقات لي قادينا ,غي شوية من الكريمة

فن تزيين الكيك : طريقة حشو وتغطية الكيك بالكريمة بالصور

و حاولو تنزلوها للجناب بواسطة السباتول

فن تزيين الكيك : طريقة حشو وتغطية الكيك بالكريمة بالصور

سرحوها بشوية بشوية و حاولو الكريمة تكون مستوية على الكيكة كاملة
حتى توصلو لهاد النتيجة
كيف قلت طبقة الكريمة خصها تكون غي خفيفة , عرفتو علاش؟
باش ملي نغلفو الكيكة ديالنا بعجينة السكر تاخد لينا شكل الكيكة لي هو مستقر , اما الكريمة تقدر دوب و اخسر لينا الشكل النهائي.
داكشي علاش غا نحتاجو فقط طبقة خفيفة من الكريمة غي باش تلصق لينا عجينة السكر فوق الكيك.
ويمكن لينا نعوضوها بنوتيلا مثلا, المهم لي اخلي لينا عجينة السكر تثبت فوق الكيك .
ملي توصلو لهاد النتيجة دخلو الكيكة ديالكم تبرد شوية والكريمة تشد.

فن تزيين الكيك : طريقة حشو وتغطية الكيك بالكريمة بالصور

ترقبو المزيد من دروس الاخت ام كنزة الخاصة بتزيين الكيك بعجينة السكر في المواضيع القادمة ان شاء الله
في امان الله

عن الكاتب

om sirine om sirine
  1. عاشت اﻻيادي. .فقط نتمنى الشرح بكون بالفصحى كي يكون مفهوما

    ردحذف
    الردود
    1. انا افضل اللغة العربية و شكرا جزيلا الله يحفظك

      حذف
  2. جزاك الله خيرا اذا امكن يكون الشرح بالفصحى كي نفهم الكلام ولك جزيل الشكر

    ردحذف
  3. Tbark lah 3lik o machaalah lah y3tik seha

    ردحذف
  4. تكلمي لو سمحتي باللغة العربية الفصحى لكي نفهمك

    ردحذف
  5. انا مش فاهمه ايه اللغه الغريبه دى ترجمى بالعربى من فضلك

    ردحذف

التعليقات



إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

إتصل بنا

جميع الحقوق محفوظة

موقع أم سيرين

2016